Bu gün Gürcüstan Azərbaycanlıları Konqresinin təşkilatçılığı ilə seyid Mirağa Mustafazadənin anadan olmasının 70, pedaqoji fəaliyyətinin 50 illik yubileyi keçirilib.
QafqazTürk.com xəbər verir ki, yubiley tədbirini çıxış sözü ilə açıq elan edən GAK sədri Hüseyn Yusubov seyid Mirağa Mustafazadənin həyat və yaradıcılığından bəhs edərək yubiley iştirakçılarını məlumatlandırdı.
H.Yusubovdan sonra Qullar məktəbinin direktoru Hümmət Hüseynov seyid Mirağa Mustafazadənin həyat və yaradıcılığı barədə geniş məruzə etdi.
Sonra isə Gürcüstan Parlamentinin iki çağırış keçmiş deputatı Ramiz Bəkirov, GAK-ın Bolnisi-Kəpənəkçi kəndi üzrə nümayəndəsi Çingiz Yaqubov, Qardabani üzrə nümayəndəsi Lətif Əhmədov, Qardabani-Nəzərli üzrə təmsilçisi Nadir Bayramov, “Gürcüstan” qəzetinin Marneuli müxbiri Şamil Ziyadəliyev, ağsaqqal ziyalı Əli Abbas, əslən Qardabanidən olan gənc yazıçı Mustafa Sədioğlu da çıxış edərək seyidin bu günədək keçdiyi həyat yolundan söhbət açdılar və ona gələcək fəaliyyətlərində uğurlar arzu etdilər.
Aşıq Həvəskar Qasımlı şirniyyat süfrəsi ətrafında bir araya gəlmiş qonaqları sazda etdiyi ifalarla feyziyab etdi.
Yubiley tədbirinin sonunda xatirə şəkli çəkildi.
