“ABŞ “İŞİD” döyüşçülərinin iştirakı ilə “Azad Suriya Ordusu” yaradır.” – QafqazTürk xəbər verir ki, bu barədə Rusiyanın xarici işlər naziri Serqey Lavrov türk, iranlı və suriyalı həmkarları ilə görüşündə bildirib.
Rusiya Xarici İşlər Nazirliyinin rəhbəri Rakka şəhəri yaxınlığında “İŞİD” döyüşçülərindən başqa, digər terror təşkilatlarının və yerli ərəb qəbilələrinin nümayəndələrinin də birləşdiyi yeni silahlı birləşmənin qurulma prosesində olduğunu bildirib.
“Silahlı birləşmənin yaradılma məqsədi bu döyüşçülərdən Suriyanın qanuni hökumətinə qarşı ölkədə vəziyyətin de-stabilizasiyası üçün istifadə etməkdir. Bu problem bu yaxınlarda bizim hərbi həmkarlarımız tərəfindən müzakirə edilib və bu istiqamətdə birgə fəaliyyət sxemi barədə razılığa gəliblər”– deyə Serqey Lavrov açıqlayıb.
