Parlamentin spikeri Şalva Papuaşvilinin izahatına görə, inaqurasiyadan sonra Mixail Kavelaşvili Orbeliani sarayından işləyəcək.
Şalva Papuaşvili jurnalistlərin suallarını cavablandırıb:
“Zurabişvili bu gün gürcü xalqına məxsus olan və onun şəxsi dəbdəbəsi obyekti olmayan bu iqamətgahı tərk etməlidir”.
“Bu bina Salome Zurabişviliyə vəsiyyət olunmayıb, gürcü xalqına və onun prezidentinə məxsusdur. Bu gün and içdikdən sonra Salome Zurabişvili xanım artıq Gürcüstanın prezidenti olmayacaq, Mixail Kavelaşvili isə Gürcüstanın prezidenti olacaq. Bu gündən etibarən Salome xanım gürcü xalqına məxsus olan və şəxsi dəbdəbəsinin obyekti olmayan bu iqamətgahı tərk etməlidir. Əminəm ki, edəcək. Bu və ya digər binada möhkəmlənmək üçün müxtəlif siyasi aktorlardan açıq məsləhətlər, arzular görürük. Bu barədə danışmaq qeyri-ciddidir”, – Papuaşvili bildirib.
