Gürcüstan prezidenti Salome Zurabişvili ABŞ-ın sanksiyasına məruz qalmış Gürcüstanın keçmiş baş prokuroru Otar Parçxaladzenin işi üzrə istintaqa başlanılmasını tələb edir.
QafqazTürk.com xəbər verir ki, bunu prezident Salome Zurabişvili qeyri-hökumət təşkilatlarının nümayəndələri ilə görüşdəki çıxışında deyib.
O, cəmiyyətə ətraflı cavablar verilməli olduğunu bildirib.
Prezident ölkənin “baş prokurorunun “KQB agenti olmasını” “ən böyük bədbəxtlik” adlandırıb.
“Məncə cənab Kaxa (Kaladze) mənim Avropaya səfərlərimin ən böyük bəla olduğunu deyib. Yox, cənab Kaxa, ən böyük bəla ölkədə baş prokurorun “KQB”nin agenti olmasıdır. Bu, ən böyük bəladır və bu gün bunu araşdırmalı olan və məsuliyyətin üzərlərinə düşdüyü bütün qurumlarda belə bir panika olmaması daha böyük bəladır. Mən burada, qarşınızda tələb edirəm ki, ictimaiyyətə ətraflı, təfərrüatlı araşdırma ilə cavab verilsin. Bu xahiş yox, tələbdir”, – deyə prezident bildirib.
