Another advertisement
Gürcüstan prezidenti Salome Zurabişvilinin sözlərinə görə, sabah o, parlamentin qarşısındakı mitinqə qatılacaq və çıxış edəcək.
QafqazTürk Media xəbər verir ki, Salome bu barədə keçirdiyi brifinqdə bildirib.
“Yeni seçkilər mümkün qədər tez təyin olunmalıdır. Bunun üçün sabah parlament qarşısında xalqla olacam. Saat 21:00-da mən çıxış edəcəyəm ki, hamı – təkcə burada olanlar deyil, müxtəlif yerlərdə və müxtəlif formalarda etiraz aksiyası keçirən və bu etirazı sərhədlərdən kənara çıxaran insanlarla birlikdə desin ki, seçkisiz heç nə olmayacaq və bu, bütün ölkənin tələbidir. Beləliklə, sabah əminəm ki, biz hər gün olduğumuzdan daha çox olacağıq”, Salome Zurabişvili bildirib.
