Kreml Luqansk vilayətində işğal olunmuş torpaqları Tatarıstanın nəzarətinə verib.
QafqazTürk.com xəbər verir ki, bu barədə “Yevropeyskaya Pravda” məlumat yayıb.
Bildirilir ki, Tatarıstanın baş naziri Aleksey Pesoşının başçılıq etdiyi nümayəndə heyəti Luqansk vilayətinin işğal olunmuş ərazisinə qanunsuz səfər edib.
Nümayəndə heyəti bərpa layihələrinin icrasını elan edib. Eyni zamanda qeyd edilir ki, Tatarıstan yerli gənclərin yenidən təhsil alması proqramına nəzarət edir. Məlumata görə, oktyabr ayı ərzində iki yüzə yaxın şagird Kazandakı “Zarechye” düşərgəsinə aparılıb.
Orada yeniyetmələrin milli özünüidentifikasiyasını dəyişdirməyə yönəlmiş tədbirlərlə yanaşı, figital yarışlar da (virtual oyun mühiti və real fiziki oyunların kombinasiyası) keçirilir. Ola bilsin ki, gələcəkdə onlar döyüş meydanında pilotsuz uçuş aparatlarının idarə olunması bölmələrinə cəlb olunsunlar.
Tatarıstan həmçinin “Əmək və Müdafiəyə Hazır (RLD)” proqramı çərçivəsində sınaq mərkəzlərinin açılmasını maliyyələşdirəcək.
