Another advertisement
Rusiya ABŞ-a Ukraynaya qarşı müharibəni dayandırmaq və Vaşinqtonla münasibətləri bərpa etmək tələblərinin siyahısını təqdim edib.
QafqazTürk Media xəbər verir ki, bu barədə Reuters məlumat yayıb.
Nəşr yazır ki, Moskvanın yuxarıda adı çəkilən siyahıya konkret nələri daxil etdiyi və ya onları qəbul etməmişdən əvvəl Kiyevlə sülh danışıqlarına getməyə hazır olub-olmadığı aydın deyil.
Reuters mənbələri bildiriblər ki, Kreml Moskvanın Ukrayna, ABŞ və NATO-ya əvvəllər irəli sürdüyü tələblərə oxşar geniş şərtlər təqdim edib.
Reuters yazır ki, əvvəlki şərtlər arasında Ukraynanın NATO-ya üzv olmaması tələbi, Ukraynaya xarici qoşunların yerləşdirilməməsi ilə bağlı razılaşma və prezident Vladimir Putinin Krımın və Ukraynanın dörd bölgəsinin Rusiyaya aid olması iddiasının beynəlxalq səviyyədə tanınması var idi. Nəşr yazır ki, ABŞ prezidenti Donald Tramp Rusiya prezidenti Vladimir Putinin Ukrayna tərəfinin hazır olduğunu bildirdiyi 30 günlük atəşkəsə razılaşıb-razılaşmamaq barədə qərarını gözləyir.
Bundan əlavə, Reuters xatırladır ki, ABŞ və Rusiya rəsmiləri son həftələrdə Vaşinqton, Kiyev və Moskvanın 2022-ci ildə İstanbulda müzakirə etdiyi saziş layihəsinin sülh danışıqları üçün başlanğıc nöqtəsi ola biləcəyini bildiriblər. Bu danışıqlar zamanı Rusiya Ukraynadan NATO-ya daxil olmaq planından əl çəkməyi və nüvə silahından həmişəlik azad ölkə statusunu qəbul etməyi tələb edib. Moskva həmçinin müharibə vəziyyətində Ukraynaya kömək etmək istəyən ölkələrin hərəkətlərinə veto qoyulmasını tələb edib.
Reuters yazır ki, Donald Tramp administrasiyası necə davranacağı ilə bağlı fikir ayrılığına düşmüş kimi görünür.
ABŞ-ın Yaxın Şərq üzrə nümayəndəsi Stiv Whitkoff İstanbul danışıqlarını möhkəm və məzmunlu adlandırıb və bildirib ki, onlar sülh sazişi üçün əlamətdar ola bilər. Donald Trampın Ukrayna və Rusiya üzrə xüsusi nümayəndəsi Keyt Kelloq İstanbul razılaşmasını başlanğıc nöqtəsi hesab etmədiyini bildirib.
“Düşünürəm ki, biz tamamilə yeni bir şey inkişaf etdirməliyik”- Kelloq deyib.