Beynəlxalq birjada qızılın qiyməti bu gün rekord həddə qalxıb. Qızılın qiyməti 1 unsiya üçün 2570 dollara çatıb ki, bu da bir il ərzində 35% artım deməkdir.
Qızıl tarixin ən yaxşı sübut edilmiş dəyər anbarlarından biridir. Qızıl həm fiziki formada, həm də qiymətli kağız şəklində alına və satıla bilər. Birja dedikdə ağlımıza ikinci, yəni qızıl müqaviləsi düşür.
İnvestorlar portfellərini şaxələndirmək və qlobal böhranlardan qorunmaq üçün qızıl alırlar. Bundan əlavə, ən böyük qızıl alıcıları arasında ehtiyatları artırmaq üçün qızıla ehtiyacı olan mərkəzi banklar və qlobal maliyyə institutları da var.
Qızılı tez-tez böhrandan qorunma vasitəsi adlandırırlar ki, bu da qızılın qlobal iqtisadi və geosiyasi vəziyyətin xeyli pisləşdiyi və böhran risklərinin artdığı vaxtlarda belə öz dəyərini saxlaması ilə bağlıdır.
Son zamanlar qızılın qiymətinin qalxması birbaşa geosiyasi risklərin artması və mövcud münaqişələrin kəskinləşməsi ilə bağlıdır. Düzdür, belə bir vəziyyət investorlar üçün əlverişsizdir, lakin qızılın dəyəri məhz belə risklərin yığılması fonunda artır.
Qızılın başqa bir üstünlüyü inflyasiya ilə bağlıdır. Tarixi məlumatlara nəzər salsaq, qızılın inflyasiya səviyyəsi kəskin yüksəldiyi zaman belə alıcılıq qabiliyyətini və dəyərini qoruduğunu göstərir.
Beynəlxalq birjada qızılın qiyməti tələb və təklif əsasında müəyyən edilir. Əsasən, mərkəzi banklar, özəl investorlar və zərgərlər qızıl alırlar. İnvestorların tələbi birbaşa iqtisadi vəziyyətdən, zərgərlərin davranışı isə qiymətli zərgərlik bazarındakı vəziyyətlə bağlıdır.
