Qazaxıstan, Azərbaycan və Çin BMT-nin Bakıda keçirilən 29-cu İqlim Dəyişikliyi Konfransı çərçivəsində Bakı limanında yeni intermodal yük terminalının tikintisi üzrə birgə müəssisə yaradıblar.
QafqazTürk Media xəbər verir ki, azişi “Qazaxıstan Dəmir Yolları” Səhmdar Cəmiyyətinin İdarə Heyətinin sədri Nurlan Sauranbayev, “Bakı Beynəlxalq Dəniz Ticarət Limanı” QSC-nin baş direktoru Taleh Ziyadov və “Xi’an Free Trade Port Construction and Operation Co Ltd” şirkətinin baş direktoru Yuan Xiaojun imzalayıblar.
Layihə çərçivəsində Ələt kəndində Bakı limanında 40 hektar sahədə intermodal yük terminalının yaradılması və infrastrukturunun inkişafı planlaşdırılır.
Təşəbbüs Azərbaycan tərəfinin Ələt limanının torpaq sahəsinin, istismar körpülərinin və terminal qurğularının ayrılması sayəsində mümkün olub. Layihə TMTM vasitəsilə Çin-Avropa-Çin marşrutu üzrə konteyner qatarlarının həcmini artıracaq, çatdırılma müddətlərini azaldacaq, daşıma xərclərini və yenidən yükləmə vaxtını azaldacaq.
Qeyd olunur ki, Bakı Beynəlxalq Dəniz Ticarət Limanı ərazisində yeni intermodal yük terminalının tikintisinin 2025-ci ildə başa çatdırılması planlaşdırılır.
Oktyabrın əvvəlində Kazinform Gürcüstanda müasir intermodal logistika mərkəzi “Dry Port” açmağı planlaşdırdıqlarını yazmışdı .
