Bakıda “Qarabağ” və Türkiyənin “Qalatasaray” komandası arasında xeyriyyə oyunu keçirilib.
QafqazTürk xəbər verir ki, Bakı Olimpiya Stadionunda təşkil olunmuş matç İstanbul təmsilçisinin 2:1 hesablı qələbəsi ilə başa çatıb.
Görüşdə hesabı qonaqlar açıblar. 4-cü dəqiqədə Bafetimbi Qomis fərqlənib. 18-ci dəqiqədə “köhlən atlar”ın heyətində Redon Cica bərabərlik qolunu vurub. Son nöqtəni isə 87-ci dəqiqədə qonaqların hücumçusu Mauro İkardi qoyub. Argentinalı forvard penaltini dəqiq yerinə yetirib.
Qeyd edək ki, görüşdən əldə olunacaq bütün gəlirlər Türkiyədə baş vermiş zəlzələdən əziyyət çəkənlərə yardım üçün göndəriləcək.
