Bu gün Tbilisidə qar yağacağı gözlənilir.
Ekoloji Hidrometeoroloji Proqnozlar Departamentinin rəhbəri Svetlana Nioradze yenilənmiş hava proqnozu barədə danışıb. “Fevralın 20-21-də ölkə ərazisində havanın temperaturunun aşağı düşəcəyini gözləyirik. Gürcüstanın həm qərbində, həm də şərqində qar şəklində yağıntı gözlənilir. Bəzi yerlərdə sulu qar yağacağı gözlənilir. Axşam əksər yerlərdə qar yağacağı, bəzi yerlərdə intensiv olacağı gözlənilir. Gün ərzində havanın temperaturu 1-6 dərəcə isti təşkil edəcək. Dağlarda və yüksək dağlıq ərazilərdə duman, uçqun təhlükəsi gözlənilir. Yollarda buz bağlayacaq, bəzi hissələrdə nəqliyyatın hərəkəti məhdudlaşdırılacaq. Fevralın 22-23-də Qərbi Gürcüstanda nisbətən quraq keçəcək, yağıntıların intensivliyi azalacaq, lakin qarlı hava fevralın 24-dək davam edəcək”, – Svetlana Nioradze bildirib.
