Dünyanın diqqətinin böyük hissəsi Rusiya-Ukrayna müharibəsi və Fələstində gedən qanlı döyüşlərə yönəldiyi halda, çox güman ki, yeni silahlı münaqişəyə gizli hazırlıqlar var və təəssüf ki, növbəti hədəf bizim Cənubi Qafqaz ola bilər.
Azərbaycan tərəfindən Erməni Silahlı Qüvvələrinin işğalı altında olan ərazilərinin qısa müddətdə azad edilməsi və müvafiq olaraq, ölkənin ərazi bütövlüyünün tam bərpası fonunda Azərbaycan hələ də qələbə sevincini yaşayarkən, 30 illik ümidi Qarabağda və ətraf bufer zonasında “ikinci Ermənistan” xülyası ilə yaşayan Ermənistanın öz qonşuları ilə (Azərbaycan və Türkiyə) böyük sülh müqaviləsi imzalamaq əvəzinə növbəti təxribatlara hazırlandığı müşahidə olunur.
Baş nazir Paşinyanın qonşularla sülh mövqeyi haqqında tez- tez maraqlı fikirlər bəyan etməsinə baxmayaraq ordusunu müharibəyə hazırladığı da sirr deyil. Məlumdur ki, 30 ildən artıq bir dövrdə Ermənistan iqtidarı erməni Diasporasının ağır təzyiqləri altında fəaliyyətdədir. Paşinyanın qərbyönümlü olması onu Rusiyadakı diasporun təsiri altından xilas etmişdir. Qərbyönümlü diaspora Fransanın və İranın böyük dəstəyi ilə Paşinyanı Cənubi Qafqazda yeni müharibələrə təhrik edir.
Amma rəsmi İrəvan öz siyasi oriyentasiyasını tez bir zamanda Rusiyadan Avropaya və Amerikaya dəyişməyə və nəhayət dövlətin istiqamətini müəyyən etmək üçün Bakı ilə sülh müqaviləsi imzalamağa çalışsa da, Azərbaycanla sərhəddəki Rusiya yönümlü hərbi komandirlər hərbi münaqişəni yeniləməyə çalışaraq tez- tez atəşkəs rejimini pozurlar.
Prezident Əliyev Qarabağda qələbədən sonra rəsmi Bakı üçün ən yaxşı dövrdə Türkiyə ilə Azərbaycanı birləşdirən strateji əhəmiyyətə malik nəqliyyat dəhlizinə çevriləcək Sünik bölgəsindən keçməklə Azərbaycandan Naxçıvan Muxtar Respublikasına qədər 40-50 km tarixi yolu açmağa çalışır.
Həm İrəvan, həm də Bakı yaxşı bilir ki, hələ də geri qaytarılacaq ərazilər var, o cümlədən Zəngəzur dəhlizinin açılması, yəni yeni nəqliyyat dəhlizinin yaradılması hər iki dövlətin iqtisadi inkişafında böyük sıçrayışlara səbəb olacaqdır. Əks təqdirdə, yəni Emənistan dövləti özünün deyil başqalarının maraqlarına xidmət etməyə başlayarsa son Qarabağ müharibəsindən daha genişmiqyaslı yeni silahlı münaqişəyə səbəb ola bilər. Görünən o ki, bu münaqişəyə hər iki ölkə hazırlaşır.
