Tbilisi Dövlət Universitetinin birinci korpusu yaxınlığında toplaşan mitinq iştirakçılarının yürüş keçirdikləri Qəhrəmanlar Meydanında nəqliyyatın hərəkəti məhdudlaşdırılıb.
QafqazTürk Media xəbər verir ki, hadisə yerində müxalif siyasətçilər və vətəndaş fəalları var.
Mitinq iştirakçıları estakadanın altında iki yerdə çadırlar qurublar.
Siyasətçilərin sözlərinə görə, saat 22:00-a qədər nəqliyyatın hərəkəti dayandırılacaq və bu müddət ərzində onlar növbəti günlər üçün fəaliyyət planını təqdim edəcəklər.
Polis qüvvələri də hadisə yerinə səfərbər olunub.
Mitinq iştirakçıları “saxtalaşdırılmış seçkilərə etiraz edirlər” və eyni zamanda tələbələrlə həmrəy olduqlarını bildirirlər, onlardan bəziləri artıq 4-cü gündür ki, TDU-nun auditoriyalarından birində sabahlayırlar. Onlar universitetin rektoru Jaba Samuşia-nın istefasını tələb edirlər.
