Rusiya prezidenti Vladimir Putin ABŞ-ın yeni seçilmiş prezidenti Donald Trampı qələbə münasibəti ilə təbrik edib, lakin ona zəng etməyib, çünki “müəyyən mərhələdə” Qərb liderləri özləri əlaqəni kəsiblər.
QafqazTürk Media xəbər verir ki, Rusiya prezidenti Vladimir Putin müvafiq bəyanatla çıxış edib.
Onun sözlərinə görə, Qərbdən təmasları bərpa etmək istəyi varsa, Rusiya buna qarşı deyil.
“Fürsətdən istifadə edib sizi seçilməyiniz münasibətilə təbrik edirəm…
Düşünürəm ki, ona [Tramp] zəng etmək mənim üçün ayıb deyil, amma bunu etmirəm, çünki Qərb ölkələrinin başçıları indiyə qədər demək olar ki, hər həftə mənə zəng edirdilər, sonra birdən-birə dayandılar. İstəmirlər istəməsinlər…
Əgər onlardan hər hansı biri əlaqəni bərpa etmək istəyirsə, mən həmişə deyirəm: biz buna qarşı deyilik. İstəsələr biz əlaqələri bərpa etməyə və müzakirələr aparmağa hazırıq”, – deyə Putin bildirib.
