Rusiya Federasiyasının prezidenti Vladimer Putin Ermənistana səfər edərsə, həbs oluna bilər.
QafqazTürk.com xarici KİV-ə istinadən xəbər verir ki, buna səbəb Ermənistanın rəsmi olaraq Haaqa Beynəlxalq Cinayət Məhkəməsinə qoşulması və bu gündən etibarən ölkədə Roma Əsasnaməsinin qüvvəyə minməsi olub.
Qeyd etmək lazımdır ki, Haaqa Beynəlxalq Cinayət Məhkəməsi ötən ilin martında Putinin həbsinə order verib.
Kremlin mətbuat katibi Dmitri Peskov bəyan edir ki, Rusiya Federasiyası üçün Ermənistanın Beynəlxalq Cinayət Məhkəməsinə daxil olmasının ikitərəfli münasibətlərə de-yure (De-yure — Hüquqi və ya diplomatik tanınma) və de-fakto mənfi təsir göstərməməsi vacibdir.
