Gürcüstanın Dövlət Təhlükəsizlik Xidmətinin əməkdaşları 2 milyon dollara uran satmağı planlaşdıran şəxsi saxlayıb.
QafqazTürk.com xəbər verir ki, bu barədə Gürcüstanın Dövlət Təhlükəsizlik Xidməti (DTX) məlumat yayıb.
“Dövlət Təhlükəsizliyi Xidmətinin Əks-kəşfiyyat İdarəsinin əməkdaşları Gürcüstan Prokurorluğu ilə birgə həyata keçirdikləri əməliyyat-axtarış tədbirləri nəticəsində radioaktiv maddənin qanunsuz satışına cəhd faktı üzrə bir nəfəri saxlayıb”, – məlumatda deyilir.
Bildirilib ki, saxlanılan şəxs Poti şəhərində radioaktiv maddə satmağa cəhd edib.
Faktla əlaqədar cinayət işi başladılıb. Təqsirləndirilən şəxsi 10 ilədək həbs cəzası gözləyir.
İstintaq Dövlət Təhlükəsizliyi Xidmətinin Əks-kəşfiyyat İdarəsi tərəfindən aparılır.
