Polşada 3 nəfər gürcü saxlanılıb.
QafqazTürk.com xəbər verir ki, onlar avtomobillərdən oğurluq etməkdə ittiham edilirlər.
İyulun 23-də baş verən oğurluq barədə Qdinya polis bölməsinin növbətçisinə məlumat daxil olub. Faktla əlaqədar dərhal polis əməkdaşları tərəfindən istintaq aparılıb və müəyyən edilib ki, bir nəfər “Volkswagen” markalı avtomobildən şəxsi əşyalar, mobil telefonlar və qulaqcıqlar olan iki idman çantasını oğurlayıb. Dəymiş ziyanın dəyəri təxminən 22 min Polşa zlotu olub.
Polis əldə edilmiş materiallar əsasında oğurluğu törədən şəxslərin BMW markalı avtomobili idarə etdiyini müəyyən edib. Gərgin əməliyyatlar nəticəsində polis axtarışda olan avtomobili şəhərin mərkəzində görüb. Məlum olub ki, onu 21 yaşlı Gürcüstan vətəndaşı idarə edib.
Polis əməkdaşları saxlanılan şəxsə axtarışın səbəbi barədə məlumat verib, daha sonra onunla yaşadığı evə gediblər. Cinayətkarlar kirayə götürdükləri otaqda oğurlanmış çanta tapıblar. Otağa baxış zamanı polis əməkdaşları “Volkswagen”dən oğurlanmış digər əşyalar da aşkar ediblər. Məlum olub ki, kişiyə daha 2 nəfər, 19 yaşlı gənc oğlan və 37 yaşlı kişi kömək edib. Polis lazımi tədbirlərin görülməsi üçün onları polis bölməsinə aparıb.
Saxlanılanlar tezliklə cinayət məsuliyyətinə cəlb olunacaqlar. Onların taleyini məhkəmə həll edəcək. Saxlanılan şəxsləri 10 ilə qədər həbs gözləyir.
