“Polşa Ukrayna ilə silah və sursat istehsalında əməkdaşlıq edir, lakin təhlükəsizlik baxımından bu əməkdaşlığı açıqlamır”.
QafqazTürk Media xəbər verir ki, bu barədə Polşanın Ukraynadakı müvəqqəti nümayəndəsi Pyotr Lukasieviç müsahibəsində bildirib.
Ukrayna-Polşa hərbi müəssisələrinin yaradılması perspektivi ilə bağlı sualı cavablandıran diplomat qeyd edib ki, Ukrayna ilə Polşa arasında belə əməkdaşlıq artıq mövcuddur. Xüsusilə, dronların istehsalı, tankların təmiri, eləcə də yüksək texnologiyalar sahəsində inkişaf daxildir.
Lukasieviç Polşada Ukrayna hərbi-sənaye kompleksinin fabrikinin tikildiyini də təsdiqləyib, amma diplomat detalları açıqlamaqdan imtina edib.
“Hərbi texnika istehsalı fabrikinin tikintisi kimi bu cür əməkdaşlığı elan edən bəzi ölkələr coğrafi baxımdan Rusiyadan uzaqdadırlar və təhlükədə olmadığı üçün bu barədə danışa bilərlər. Biz çox yaxınıq və ona görə də bu barədə danışmırıq. Başqa sözlə, coğrafiya bu kontekstdə çox vacibdir”, – polşalı diplomat bildirib.
