“Hazırki mərhələdə bizim Gürcüstanda bu ölkəyə müdaxilə edən və dezinformasiyanın qarşısını almaq üzərində işləyəcək missiyamız yoxdur, çünki təəssüf ki, dezinformasiya rəsmi şəxslərdən, hökumət üzvlərindən gəlir”.
QafqazTürk Media xəbər verir ki, bu barədə Avropa İttifaqının Xarici Siyasət Departamentinin sözçüsü Piter Stano bildirib.
Stanonun sözlərinə görə, o, Gürcüstan hökuməti ilə mükəmməl əməkdaşlığın bərpasının mümkün olacağına ümid edir.
“Bizim Gürcüstana dəstəyimiz çoxşaxəlidir. Gürcüstandakı tərəfdaşlarımız və Gürcüstan hökuməti ilə müxtəlif məsələlərdə çox intensiv işləyirdik, təbii ki, rəsmilər Aİ əleyhinə dezinformasiyadan istifadə etməyə başlayanadək. Bundan sonra, Gürcüstanla münasibətlər fərqli forma aldı və bu, bu il keçirilən Xarici İşlər Nazirləri Şurasında, eləcə də Avropa İttifaqı liderləri səviyyəsində bir neçə dəfə müzakirə olundu.
Biz başqa missiyadan istifadə edərək Gürcüstana dəstəyimizi davam etdiririk, mən separatçı regionlardakı vəziyyət ətrafında işləyən monitorinq missiyasını, Cənubi Osetiya və Abxaziyanı nəzərdə tuturam. Ümid edirik ki, planlaşdırılan seçkilər azad, ədalətli, beynəlxalq və Avropa standartlarına uyğun keçirilərsə, Gürcüstan hökuməti ilə mükəmməl əməkdaşlığı bərpa etmək mümkün olacaq”, – deyə Piter Stano bildirib.
