“ Vahid Milli Hərəkat”, “Güclü Gürcüstan” və “Dəyişiklik üçün ” müxalifət partiyaları Qəhrəmanlar Meydanında aksiya keçiriblər.
Bu gün siyasətçilər öz tərəfdarları ilə birlikdə Tbilisidə iki hissədə, müxtəlif yerlərdə toplaşıb, oradan Qəhrəmanlar Meydanına doğru yürüş ediblər.
Mitinq iştirakçıları oktyabrın 26-da keçirilən parlament seçkilərinin qanun pozuntuları ilə keçirildiyini, bu səbəbdən də təkrar seçkilərin baş tutmasının zəruriliyini bildiriblər.
Eyni zamanda müxalif siyasətçilər çıxış ediblər.
Onların fikrincə, yeni çağırış parlament qeyri-legitimdir, seçkilərin nəticələri beynəlxalq ictimaiyyət, eləcə də ölkə daxilində əhalinin böyük bir hissəsi tərəfindən tanınmayıb, buna görə də müxalif siyasətçilərin fikrincə, “ müxalifət qeyri-legitim parlamentə girmək fikrində deyil”.
Qəhrəmanlar Meydanına toplaşanlar da vətən uğrunda canlarından keçmiş qəhrəmanların xatirəsini bir dəqiqəlik sükutla yad ediblər və nəhayət, Gürcüstan və Avropa İttifaqının himnlərinin səsləndirilməsi ilə aksiya başa çatıb.
