Parlament sözdə LGBT təbliğatına qarşı hazırlanmış qanunvericilik dəyişiklikləri paketinin müzakirəsinə qayıdır.
QafqazTürk Media xəbər verir ki, sentyabrın 2-də Hüquq məsələləri komitəsi layihəni maddə-maddə ikinci oxunuşda müzakirə edəcək, ondan sonra məsələ plenar iclasda müzakirəyə çıxarılacaq.
Qanunvericilik paketi 19 qanun layihəsindən ibarətdir. Bunlardan başlıcası “Ailə dəyərləri və yetkinlik yaşına çatmayanların müdafiəsi haqqında” adlı layihə, qalan 18-i isə ondan irəli gələn layihələrdir.
Qanunvericilik paketinin müəllifi və təşəbbüskarları parlamentin sədri Şalva Papuaşvili və çoxluğun üzvləri: Mamuka Mdinaradze, Anri Oxanaşvili, Rati Yonatamişvili, Maka Boçorişvili, Davit Matikaşvili, Tengiz Şarmanaşvili, İrakli Şatakişvili və Sozar Subaridir.
Çoxluğun izahına görə, qanun layihəsinin təşəbbüskarı olmaqda məqsəd qadın və kişi birliyinə əsaslanan ailə dəyərlərinin və yetkinlik yaşına çatmayanların müdafiəsi mexanizmlərinin gücləndirilməsidir.
Qanunvericilik paketi bir sıra qadağa və məhdudiyyətlərin müəyyən edilməsini nəzərdə tutur.
