Hesablanmış səslərin sayına görə “Gürcü arzusu” böyük üstünlüklə qalib gəldi.
QafqazTürk Media xəbər verir ki, bu barədə Marneuli və Qardabani üzrə parlament deputatı Zaur Darğallı qeyd edib.
Darğallının sözlərinə görə, nəticələrə görə, bu tarixi seçkilər Marneuli üçün də tarixi olub.
“Bu möhtəşəm qələbə münasibətilə hər kəsi təbrik edirəm. Bütün ölkədə olduğu kimi, Marneulidə də eləcə də bütün rayonlarda böyük üstünlüklə seçkilərdə qalib gəldik. Hər bir seçiciyə təşəkkür etmək istəyirəm, bu gün tarixi seçim etdik, biz Avropa ailəsinə ləyaqətlə daxil olacağıq.
Hazırda bütün rayonlardan hansı nəticələr gəlir, biz hər yerdə böyük üstünlüklə qalib gəlirik. Əminəm ki, tarixi seçkilər öz nəticələri ilə Marneuli üçün də tarixi olacaq. Biz bu dəstəyi hər görüşdə hiss etdik və bu, bugünkü nəticələrdə də öz əksini tapdı”, – deyə Darğallı bildirib.
