Parlament aprelin 4-də keçiriləcək plenar iclasında Dövlət Təhlükəsizliyi Xidmətinin yeni rəhbərini seçəcək. Baş nazir İrakli Kobaxidze Dövlət Təhlükəsizlik Xidmətinin rəhbəri vəzifəsinə ədliyyə naziri Anri Oxanaşvilinin namizədliyini irəli sürüb.
Dövlət Təhlükəsizliyi Xidmətinin rəhbəri hökumətin təqdimatı ilə Parlament tərəfindən seçilir. DTX- nın rəhbəri 6 il müddətinə seçilir. Namizədin təsdiqlənməsi üçün Parlamentin tam üzvlərinin əksəriyyətinin dəstəyi lazımdır.
Aprelin 2-də İrakli Kobaxidze kadr qərarları ilə bağlı açıqlama verib – məlum olub ki, Qriqol Liluaşvili Dövlət Təhlükəsizlik Xidmətinin rəhbəri vəzifəsindən istefa verib. Kobaxidze Dövlət Təhlükəsizlik Xidmətinin rəhbəri vəzifəsinə Anri Oxanaşvilinin namizədliyini irəli sürüb.
Oxanaşvilini ədliyyə naziri postunda “Gürcü arzusu”nun deputatı Paata Salia əvəzləyib.
Qriqol Liluaşviliyə gəlincə, Kobaxidzenin brifinqində elan olunduğu kimi, İnfrastruktur və Regional İnkişaf Nazirliyi parçalanacaq, bundan sonra Liluaşvili regional inkişaf naziri vəzifəsini tutacaq.
Liluaşvili 2019-cu ilin oktyabrında parlament tərəfindən Dövlət Təhlükəsizlik Xidmətinin rəhbəri vəzifəsinə təsdiq edilib.
