Parlament 82 səslə yekdilliklə birinci oxunuşda “Amnistiya” layihəsini qəbul edib.
QafqazTürk Media xəbər verir ki, layihəyə əsasən, amnistiya 2024-cü il iyulun 1-dək törədilmiş bir sıra cinayətlərə şamil ediləcək və amnistiyanın aşağıdakı formaları ona daxildir:
Dərhal məsuliyyətdən azad edilmə;
Cəza müddətinin 1/2, 1/4 və 1/6 hissəsinin azaldılması, habelə şərti məhkum edilmiş şəxslərin şərti cəzasının bir il azaldılması.
“Cinayət Məcəlləsi”nin 66-cı maddəsində nəzərdə tutulmuş cinayətlərə görə təqsirli bilinən şəxslər cəzadan tam azad ediləcək və ya cəza 1/2 və ya 1/4 hissəsi azaldılacaq. Bundan başqa, cəzanın 1/6 hissəsi azaldılması “Cinayət Məcəlləsi”nin 225-ci maddəsinə şamil ediləcək.
Amnistiya aşağıdakılara şamil edilməyəcək:
Adam öldürmə, narkotik alveri, seksual xarakterli cinayətlər, quldurluq, terrorizm, korrupsiya və vəzifə cinayətləri, cinayət, adi cinayətlər, insan alveri və digər ağır və xüsusilə ağır cinayətlərə görə məhkum olunmuş şəxslərə.
“Gürcü arzusu”nun məlumatına görə, amnistiya 4839 məhbusa, dərhal azadlığa buraxılması məsələsi isə 1000 məhbusa aiddir. Təxminən 7000 nəfərin sınaq müddəti bir il azalacaq.
Qeyd edək ki, hakim çoxluq payız sessiyası çərçivəsində “Amnistiya” layihəsinə ikinci-üçüncü oxunuşda baxıb qəbul etməyi planlaşdırır.
