Papuaşvili: Vətəndaşlarımız demokratiyanın tərəfində dayanır.
Gürcüstan parlamentinin sədri Şalva Papuaşvili bildirib ki, vətəndaşlar seçkilərdə iştirak etməyə yüksək motivasiyaya malikdir və hamı vətəndaşlıq borcunu vaxtında yerinə yetirməyə çalışır.
Papuaşvili qeyd edib ki, 2021-ci il seçkiləri referendum xarakteri daşıyırdı və faktiki olaraq parlament seçkiləri səviyyəsində keçirilmişdi:
“2021-ci ildə aktivlik parlament seçkilərinə bənzər səviyyədə idi və onu birbaşa müqayisə etmək çətindir. Amma saat 10:00-a olan məlumata görə, hazırkı seçkilərdə fəallıq 2021-ci ilin göstəricilərini də üstələyirdi. Bu, özü-özlüyündə böyük nailiyyətdir. Aydın görünür ki, vətəndaşlarımız seçkilərdə səs verməyə bu qədər motivasiyalıdır və hər kəs çalışır ki, vətəndaşlıq borcunu vaxtında yerinə yetirsin”, – deyə o bildirib.
Papuaşvili əlavə edib ki, indiki fəallıq 2014 və 2017-ci illərin bələdiyyə seçkiləri ilə müqayisədə daha yüksəkdir:
“Düşünürəm ki, fəallıq bu çərçivədə olacaq və bu da bir daha sübut edəcək ki, vətəndaşlarımız düzgün düşünür, onlar demokratiyanın tərəfində dayanır”.
