Pakistanda terrorist özünü partladıb, 16 əsgər həlak olub.
Bu barədə France-Presse məlumat yayıb.
France-Presse-in məlumatına görə, insident Pakistanın Xayber Paxtunxva əyalətinin Şimali Vəziristan bölgəsində baş verib.
“Terrorist partlayıcılarla dolu avtomobili hərbi karvana çırpıb. Partlayış nəticəsində 16 əsgər həlak olub, 20-dən çox adam yaralanıb”, – yerli hökumət rəsmisi bildirib.
Polis partlayışın iki evin damının uçmasına, 6 uşağın yaralanmasına səbəb olduğunu bildirib.
Hücuma görə məsuliyyəti Pakistan Talibanı “Təhrik-e Taliban” öz üzərinə götürüb.
