Gürcüstanın ərazi bütövlüyü dinc yolla bərpa olunarsa, Gürcüstan Konstitusiyasına elə bir dəyişiklik etmək lazım gələcək ki, Gürcüstanın idarəetmə sistemi və ərazi quruluşu yeni vəziyyətə uyğun olsun.
QafqazTürk media xəbər verir ki, bu barədə “Gürcü Arzusu – Demokratik Gürcüstan” -ın bəyanatında deyilir.
Hakim partiyanın qeyd etdiyi kimi, o, bir sıra məsələlərlə bağlı konstitusiya dəyişikliklərinə başlamaq niyyətindədir, o cümlədən ərazi quruluşu ilə bağlı məsələ.
“Ölkəmizin ən mühüm milli vəzifələrindən biri Gürcüstanın ərazi bütövlüyünü bərpa etməkdir. Gürcüstan ətrafında hadisələr çox dinamik inkişaf etdiyinə görə biz hər an belə vəziyyətə hazır olmalıyıq. Müxalifətin anti-dövlət yanaşmalarını nəzərə alsaq, əminliklə demək olar ki, belə olan halda da onlar xarici vəzifəni yerinə yetirəcək və ərazi bütövlüyünün bərpası üçün zəruri olan konstitusiya dəyişikliklərinə mütləq qarşı çıxacaqlar. Müvafiq olaraq, “Gürcü arzusu” səs çoxluğuna ehtiyac duyur ki, əgər lazım gəlsə, heç kim lazımi konstitusiya dəyişikliklərinin həyata keçirilməsinə əngəl ola bilməsin. Seçkidə ,,Gürcü Arzusu”-nun seçicisi nə qədər çox olarsa, ölkəmiz üçün inkişaf və irəliləmək bir o qədər asan olacaq”-deyə bəyanatda qeyd olunur.
Həmçinin əlavə etmək lazımdır ki:
“2024-cü il parlament seçkiləri bir növ referendumdur, burada gürcü xalqı nəhayət ki, müharibəni, yoxsa sülhü, Gürcüstanın xarici qüvvələrdən qul kimi asılılığını, yoxsa müstəqil və suveren dövləti seçməli olduğuna qərar verməlidir”.
