Yeni 2025-ci ilin 4-5 yanvar günlərində qardaş Türkiyədə, Qars vilayətinin Sarıqamış qəsəbəsi yaxınlarındakı Allahü-Əkbər dağlarında 1915-ci ildə baş vermis Sarıqamış hərəkatından- faciəsindən 110 il ötür.
Onda ölümsüzlüyə yürüş edən və məğlubiyyətlə nəticələnən savaşın şahidləri də, şəhidləri də buz heykəllərə dönən 10 minlərlə türk əsgəri olmuşdu.
Türkiyənin gələcək zəfərlərinin əksəriyyəti Allahü-Əkbər dağlarındakı hərəkatdan-faciədən qaynaqlanır. Axı Sarıqamış şəhidləri hər cür əsarətə qarşı idi. Öz ölümləri ilə ölümsüzlük qazanaraq gələcək zəfərlərə yol açdılar.
Qalib xalqların tarixində həmişə qaçılmaz faciələr də olmuşdur.
Biz, Gürcüstan Azərbaycanlıları Konqresi və Qafqaz Türk Media ailəsi olaraq bu gün Sarıqamış şəhidlərini rəhmət və minnətdarlıq hissləri ilə yad edirik! Xatirələri ürəklərdə yaşayır!
Nur içində uyusunlar!
GAK-ın Mətbuat Xidməti
