Nənəsinə cinsi təcavüz etməkdə ittiham edilərək həbs edilən şəxs özünü günahsız hesab edir.
QafqazTürk Media yerli mətbuata istinadən xəbər verir ki, 29 yaşlı Qiorqi Kirvalidzenin Qldani həbsxanasından yerli medialara müsahibəsində bildirdiyinə görə, hər şeyi bibisi planlayıb, onu ailə üzvünü zorlamaqda ittiham edib və əmlakını əlindən alıb. Məhkumun sözlərinə görə, buna səbəb bibisi evə sahib olmaq istəyir.
Məhbus Kirvalidze məhkəmənin qərarına etiraz edərək Qldani həbsxanasında aclıq aksiyası keçirir. Ona 9 il həbs cəzası verilib.
Məlumata görə, birinci instansiya Qiorqi Kirvalidzeyə bəraət verib. İstintaq orqanı ağır cinayət işi üzrə müvafiq sübut təqdim etməyib. 70 yaşlı qadının nəvəsi tərəfindən zorlandığına dair ekspertiza rəyi olmasa da yaşlı nənənin çarpayısında nəvənin alt paltarı nümunələrindən biri tapılıb.
Apellyasiya məhkəməsinə gəlincə,məhkəmə Milli Büronun hazırladığı hesabatı rəhbər tutub. Ali Məhkəmə Kirvalidzenin iddiasını ümumiyyətlə qəbul etməyib.
