Müxalifətin təşkilatçılığı ilə noyabrın 4-də saat 19:00-da Tbilisinin Rustaveli prospektində aksiya keçiriləcək.
QafqazTürk Media xəbər verir ki, müxalifət liderləri oktyabrın 26-da keçirilən parlament seçkilərinin nəticələrinə etiraz edəcəkləri mitinqi bir neçə gün əvvəl elan ediblər.
Oktyabrın 31-də müxalifət liderləri ilə birgə keçirdiyi mətbuat konfransında “Güclü Gürcüstan” liderlərindən biri Ana Dolidzenin qeyd etdiyinə görə, bugünkü mitinqdə müxalifətin fəaliyyət planı açıqlanacaq.
“Bizim əsas vəzifəmiz bu seçkilərin qeyri-legitim tanınması üçün mübarizə aparmaqdır, biz əvvəlki kimi tərəfdaşlarımızla işimizi davam etdiririk və ən əsası bazar ertəsi saat 19:00-da Rustavelidə görüşəcəyik və orada hesabat verəcəyik. Fəaliyyət planı təfərrüatı ilə, necə, daxildə və ya xaricdə, qanuna uyğun olaraq, ədalətli, lakin etirazımız mütəşəkkil və effektiv şəkildə davam edəcək”, – Ana Dolidze bildirib.
