Şimali Koreya Rusiyaya dəstək üçün qoşun göndərdikdən sonra Cənubi Koreya Ukraynaya hərbi və kəşfiyyat zabitlərini göndərməyi düşünür.
QafqazTürk Media xəbər verir ki, Cənubi Koreya KİV-i kəşfiyyat rəsmisinə istinadən yazıb ki, Cənubi Koreya hökuməti və ordusu “müvafiq sayda şəxsi heyətin, o cümlədən kəşfiyyatçıların (Şimali Koreyada ixtisaslaşmış) və düşmənin taktikası üzrə mütəxəssislərin göndərilməsi planını nəzərdən keçirir”.
Şimali Koreya əsgərləri Ukrayna qüvvələri tərəfindən əsir götürülərsə, bu heyət Ukraynada dindirmə aparmalı və ya tərcümə xidmətləri göstərməlidir. Onlar həmçinin Kiyevə Şimali Koreyanın hərbi taktikası, doktrinası və əməliyyatları haqqında məlumat verəcəklər.
Daha sonra Cənubi Koreyanın Müdafiə Nazirliyi mətbuat konfransında Ukraynaya ölümcül silahların mümkün tədarükü ilə bağlı tədbirləri “açıq düşüncə ilə” nəzərdən keçirdiyini açıqlayıb.
Xatırladaq ki, Cənubi Koreyanın kəşfiyyat agentliyi cümə günü Şimali Koreyanın Rusiyaya dəstək üçün 12 min xüsusi təyinatlı göndərmək qərarına gəldiyini və onlardan 1500-nün artıq Rusiyanın Uzaq Şərqində olduğunu açıqlayıb.
