Marneuli ərazisində elektrik enerjisinin verilməsində məhdudiyyətlər yaranıb.Bu hal Marneuli sakinlərinin narazılığına səbəb olur. “Energo-Pro Georgia” şirkətinin Marneuli filialından əldə edilən məlumata görə, elektrik kəsilməsi bələdiyyədə həyata keçirilən bərpa işləri ilə əlaqədardır.
“Qeyd edim ki, elektrik xətlərinin vaxtaşırı yenilənməsi/bərpa edilməsi lazımdır.2023-cü ildə Marneuli xidmət mərkəzi olaraq 600-dən çox zədələnmiş elektrik xəttinin dəyişdirilməsini planlaşdırırıq.Bu işlərin görülməsi üçün təhlükəsizlik normalarına uyğun olaraq, əməkdaşlarımızın təhlükəsizliyini nəzərə alaraq, elektrikin kəsilməsi zəruridir. Ümid edirik ki, vətəndaşlarımız bizi başa düşər”- deyə “Energo-Pro Georgia” şirkətinin Marneuli filialının meneceri Giorgi Cğarkava bildirib .