Marneulidə Rustaveli küçəsində yerləşən D. Mağalaşvili adına körpünün bərpası işləri ilə bağlı 1 milyon 893 min 840 lari dəyərində tender elan olunub.
QafqazTürk xəbər verir ki, körpünün bərpası üçün vəsaitin 95%-i mərkəzi büdcədən, 5%-i isə yerli özünüidarəetmədən maliyyələşdiriləcək.
Sözügedən işlər çərcivəsində körpünün və körpü altındakı infrastrukturun qaydaya salınması planlaşdırılır.
Qeyd edək ki, tenderdə qalib gələcək şirkət müqavilə bağlandıqdan sonra 5 ay ərzində işləri yerinə yetirməlidir.