Marneuli şəhərində Durmişxan Mağalaşvili körpüsünün bərpası davam etdirilir. Lahiyə çərçivəsində yeni asfalt örtüyünün salınması planlaşdırılır.
Artıq sökülən işıqlandırma dirəkləri və səkilər yenilənəcək, su-kanalizasiya sistemi təşkil olunacaq. Tender sənədlərində qeyd olunduğu kimi, infrastruktur işləri çərçivəsində körpünün altında abadlıq işləri həyata keçiriləcək, yol genişləndiriləcək və 4 metr yarım olacaq, onun ardınca bir tərəfdən piyada səkisi, kafel-metlax döşənəcək.
Tenderdə qalib gələn “İrlani” şirkəti Rustaveli küçəsində Durmişxan Mağalaşvili adına körpüdə bərpa işlərini 1 milyon 878 min 333 lari dəyərində həyata keçirir. Məbləğin 95%-i mərkəzi büdcə, 5%-i isə yerli özünüidarə orqanları tərəfindən maliyyələşdirilir. Tenderdə qalib gələn şirkət müqavilə imzalandığı gündən 5 ay müddətində işləri başa çatdırmalıdır.
