Marneuli bələdiyyəsi ilə Polşanın Qmina Kobilnitsa arasında imzalanmış memorandum çərçivəsində, Marneuli şəhərinin 3 saylı uşaq bağçasında 42 kvt gücündə günəş fotoelektrik panelləri quraşdırılıb.
QafqazTürk.com xəbər verir ki, fotoelektrik sistemin sınaq və yoxlanışı artıq başa çatıb və şəbəkə operatoru tərəfindən əks sayğac quraşdırıldıqdan sonra stansiya istismara veriləcək.
Fotoelektrik sistemin quraşdırılması, Polşa tərəfinin sifarişi ilə yenilənən enerji sektorunda beynəlxalq səviyyəli developer və operator olan – RP Global şirkəti həyata keçirib.
Layihənin dəyəri 26 min 680 avro təşkil edib və tamamilə Qmina Kobilnicanın yerli özünüidarəetməsi tərəfindən maliyyələşdirilib.
Xatırladaq ki, 2017-ci ildən etibarən Marneuli Munisipaliteti ilə Polşanın Qmina Kobilnitsa arasında memorandum qüvvədədir və bu memorandum çərçivəsində Munisipalitetlər müxtəlif sektorlarda əməkdaşlıq edir.
