Marneuli Bələdiyyəsi merinin birinci müavini Roin Dekanoidze 2025-ci il Kənd Dəstəyi Proqramı ilə bağlı işçi qrupun üzvləri ilə görüş keçirib.
İclasda Kəndlərə Dəstək Proqramı çərçivəsində həyata keçiriləcək hazırlıq işləri və tədbirlər planı müzakirə edilib.
Marneuli Bələdiyyəsinin meri Kənan Ömərovun sərəncamı əsasında proqram çərçivəsində ümumi yığıncaqların və məsləhətləşmələrin keçirilməsi, eləcə də maliyyələşdiriləcək layihələrin seçilməsi üçün işçi qruplar yaradılıb.
Cari ilin fevralın 10-da Marneuli Bələdiyyəsində kənd sakinləri ilə görüşlər başlayacaq. Bələdiyyənin əhalisi prosesdə iştirak edərək yaşayış məntəqələrinə uyğun olaraq maliyyələşdiriləcək layihələri müəyyənləşdirəcək.
2025-ci ildə Gürcüstanın Regionlarında həyata keçiriləcək Layihələr Fondundan Kəndlərə Dəstək Proqramı üçün Marneuli Bələdiyyəsinə 1.232.000 lari ayrılıb.
