Marneuli bələdiyyəsində bu gün günün ikinci yarısında ağır avtomobil qəzası baş verib.
QafqazTürk Media xəbər verir ki, hadisə Aşağı Saral kəndində olub.
Məlumata görə, yanacaq daşıyan iri həcmli maşın ilə minik avtomobilinin toqquşması nəticəsində 2 nəfər dünyasını dəyişib. Bundan başqa yaralıların olduğu da bildirilir.
Əldə olunan məlumata görə, avtomobil qəzasında 2 nəfər ağır xəsarətlər alıb.
Hadisə yerinə təcili tibbi yardım, yanğın söndürmə briqadası və polis cəlb olunub.
Geo Hospitals və Aversi klinikalarının Marneulidəki filiallarından QafqazTürk Mediaya verilən məlumata görə, yaralılarda çoxsaylı qırıqlar var və onlara müvafiq tibbi yardımlar göstərilir.
Daxili İşlər Nazirliyindən verilən məlumata görə, faktla bağlı Cinayət Məcəlləsinin 276-cı maddəsinin 8-ci hissəsi ilə istinataq başlayıb.
