Another advertisement
ABŞ dövlət katibi Marko Rubio ukraynalı həmkarları ilə danışıqlar aparmaq üçün martın 10-12-də Səudiyyə Ərəbistanının Ciddə şəhərinə səfər edəcək.
Dövlət Departamentinin məlumatına görə, Marko Rubionun məqsədi prezident Donald Trampın Rusiya-Ukrayna müharibəsinə son qoymaq məqsədinə nail olmağa kömək etməkdir.
Ciddə səfəri çərçivəsində o, həmçinin Səudiyyə Ərəbistanının vəliəhd şahzadəsi Məhəmməd bin Salman Əl Səud ilə görüşərək ABŞ-Səudiyyə münasibətlərini və regionda ümumi maraqları gücləndirmək yollarını müzakirə edəcək.
Bundan əlavə, Dövlət Departamentinin məlumatına görə, Marko Rubio martın 12-14-də Kanadaya səfər edəcək və burada “G7” nin xarici işlər nazirlərinin iclasında iştirak edəcək.
“Dövlət katibi Rubionun iştirakı ABŞ-ın sülh və təhlükəsizlik, strateji əməkdaşlıq və qlobal sabitlikdə maraqları inkişaf edəcək. Söhbət Yaxın Şərq və Avropadakı münaqişələr, Afrika və Hind-Sakit Okean regionunda əməkdaşlıq, Qərb yarımkürəsində sabitlik müzakirə olunacaq”, – Dövlət Departamentinin bəyanatında deyilir.