Another advertisement
“NATO-ya üzv dövlətlər müharibəyə hazırlaşmalı və müdafiəyə daha çox vəsait xərcləməlidirlər, əks halda Kreml Ukraynada etdiyi kimi eyni şeyi etməyə cəhd edə bilər”.
QafqazTürk Media xəbər verir ki, bu barədə NATO-nun baş katibi Mark Rutte Welt qəzetinə müsahibəsində deyib.
“Mən sizə çox açıq deyirəm: biz müharibəyə hazırlaşmalıyıq. Bunun qarşısını almağın ən yaxşı yolu budur”, – alyansın baş katibi deyib.
O bildirib ki, Avropa ölkələri Rusiyaya qarşı zəiflik nümayiş etdirməməlidir.
“Əks halda, Rusiya Ukraynadakı kimi nəyisə sınaya bilər”, – Rutte qeyd edib.
Bununla belə, o, təhlükənin təkcə Rusiyadan deyil, həm də Çindən gəldiyini və çinlilərin hərbi imkanlarını xeyli genişləndirdiyini bildirib.
Mark Rutte vurğulayıb ki, NATO və Avropa Birliyinin aparıcı üzvü olan Almaniya müdafiə xərclərini artırmalı və həm Avropada, həm də Ukraynada seçdiyi yolu ardıcıl olaraq davam etdirməlidir.
“Almaniyanın iqtisadiyyatının böyüklüyünü nəzərə alaraq, biz onlardan daha çox işlər görmələrini istəyirik”, – NATO-nun baş katibi qeyd edib.