Another advertisement
18 oktyabr tarixində Rustaveli prospekti ilə Mtatsminda parkını birləşdirən kanat açılıb. Açılış mərasimində hökumət üzvləri iştirak ediblər.
“Burada aşağı və yuxarı stansiyalar, həmçinin aralarında 5 dayaq dirəyi var. Unikal interyer tamamilə yenilənib. Yuxarı yeni stansiya inşa edilib, 5 dayaq tikilib. Sözügedən kanat yolu məsafəni 4 dəqiqə ərzində qət edəcək.
Kanat yolu bir istiqamətdə saatda 1200 sərnişin daşıyacaq”, – deyə paytaxtın meri Kaxa Kaladze açılış mərasimində bildirib.
Xatırladaq ki, kanat yolunun bərpasına 2021-ci ildə başlanılıb.
Layihənin ümumi dəyəri 50 milyon larini təşkil edir.
