“Mən müharibələrə başlamaq fikrində deyiləm, onları bitirmək fikrindəyəm”.
QafqazTürk Media xəbər verir ki, bu barədə Donald Tramp ABŞ prezident seçkilərində qalib gəldikdən sonra tərəfdarları qarşısında çıxışı zamanı deyib.
“Mən müharibələrə başlamayacağam, onları bitirəcəyəm. Dörd ildir ki, bizdə müharibə olmayıb”- Donald Tramp bildirib.
Eyni zamanda, Türkiyə prezidenti Rəcəb Tayyib Ərdoğan Donald Trampı qələbə münasibətilə təbrik edib və Donald Trampın müharibələrə son qoyacağına ümid etdiyini bildirib.
“Ümid edirəm ki, Türkiyə ilə Amerika Birləşmiş Ştatları arasında münasibətlər güclənəcək, regional və qlobal böhranlar və müharibələr, xüsusilə Fələstin məsələsi və Rusiya-Ukrayna müharibəsi bitəcək”, – Rəcəb Tayyib Ərdoğan sosial şəbəkədə yazıb.
