Xəbər verdiyimiz kimi, Azərbaycan Dövlət Sərhəd Xidmətinin (DSX) bölmələri tərəfindən Azərbaycan Respublikasının ərazilərində, Ermənistan ilə sərhəddə, Laçın-Xankəndi yolunun başlanğıcında nəzarət-buraxılış məntəqəsi qurulub.
QafqazTürk.com xəbər verir ki, yaradılan məntəqədə Azərbaycan bayrağının ucaldılması mərasimi baş tutub və nəzarət-buraxılış məntəqəsindən Azərbaycan Respublikasının Prezidenti, Ali Baş Komandan İlham Əliyevə məruzə edilib.
“Möhtərəm Prezident, cənab Müzəffər Ali Baş Komandan, məruzə edirəm ki, Sizin tapşırığınıza əsasən, Azərbaycan-Ermənistan dövlət sərhədində, Həkəri çayının üzərindəki körpünün üstündə fəxarət rəmzimiz olan 3 rəngli dövlət bayrağımız dalğalanmaqdadır. Bununla da Vətən sərhədlərinin bütövlüyü təmin olunmuşdur. Yaşasın Azərbaycan, yaşasın Ali Baş Komandan! Qarabağ Azərbaycandır!”, – məruzədə deyilib.
![](http://qafqazturk.com/wp-content/uploads/2023/04/2_d232c6fab1c528d815f307daf552eac2-1024x683.jpg)
![](http://qafqazturk.com/wp-content/uploads/2023/04/3_f3159cfbbd6bb0cefa25464661057ce8-1024x683.jpg)
![](http://qafqazturk.com/wp-content/uploads/2023/04/5_02bb6c09d4c437a4d7bd00df4422bcc0-1024x683.jpg)