Kreml: Qərb digər ölkələri Rusiyayla ticarəti dayandırmağa məcbur etməyə çalışır
Kreml sözçüsü Dimitri Peskov bildirib ki, Qərb digər ölkələri Rusiyayla ticarəti dayandırmağa məcbur etməyə çalışır. O, ABŞ prezidenti Donald Trampın Hindistanın rus neftinə görə tariflərinin artırılması barədə açıqlamasına münasibət bildirib və bu kimi bəyanatların əslində təhdid xarakteri daşıdığını vurğulayıb.
Peskov qeyd edib ki, suveren ölkələrin öz ticarət tərəfdaşlarını seçmək hüququ var: “Biz inanırıq ki, suveren dövlətlər öz maraqlarına uyğun olaraq istədikləri ticarət tərəfdaşlarını və iqtisadi əməkdaşlıq rejimlərini seçmək hüququna malikdirlər.”
