Prezidentin Konstitusiya Məhkəməsindəki nümayəndəsi Maia Kopaleişvili bildirir ki, Konstitusiya Məhkəməsinin prezidentin impiçmenti ilə bağlı çıxardığı nəticə qərəzlidir və məhkəmə siyasi təsir altına düşüb.
“Nəticə tendensivdir. Birbaşa demək istəyirəm ki, əslində Konstitusiya Məhkəməsi konstitusiya nümayəndələrinin müəlliflərinin fikirlərini bir-bir tam şəkildə bölüşdü. Hətta onların fikirlərində, şərtlərində heç bir dəyişiklik olmadı. Sadəcə bəzi dəqiqləşdirmələrlə dolduruldu və prezidentin xarici əlaqələrdə səlahiyyətlərini bütün istiqamətlərdə bütün məsələlərdə tamamilə, mütləq şəkildə 52-ci maddənin birinci bəndinin “a” yarımbəndinə keçirdi.
Konstitusiya Məhkəməsi əslində bu qənaətlə siyasi prosesə daxil oldu, qərarın əsaslandırılması hissəsində hüquqi arqumentasiyanı öz anlayışında formalaşdırdı, ancaq bu əsaslandırmaya baxsanız, aydın görərsiniz ki, Konstitusiya Məhkəməsi, ən azı, baxışa əsaslanan arqumentlər irəli sürür – ümid edirəm, mümkündür ki, parlament yekun qərar qəbul etməsin”, – Maia Kopaleişvili bildirib.
Maia Kopaleişvilinin özü 2009-2019-cu illərdə Konstitusiya Məhkəməsinin üzvü olub. Onun sözlərinə görə, prezidentin konstitusiyanı pozması qənaətini dəstəkləyən hakimlər konstitusiyanın normalarını yanlış şərh ediblər.
