Türkiyənin İzmir şəhərinin Balkova rayonunda polis bölməsinə silahlı hücum olub. Hadisə nəticəsində 2 polis əməkdaşı həlak olub, 6 nəfər isə yaralanıb. Yaralananlar arasında həm polis əməkdaşlarının, həm də vətəndaşların olduğu bildirilir.
Hüquq-mühafizə orqanları hücumu törətməkdə şübhəli bilinən 16 yaşlı şəxsi saxlayıblar. İzmir Baş Prokuroru Əli Yeldan hadisənin motivlərinin müəyyənləşdirilməsi üçün istintaqın başladığını açıqlayıb.
