“Müxalifət üçün hər şey başdan başlayır”
QafqazTürk xəbər verir ki, bu barədə mayın 28-də Türkiyədə keçirilən prezident seçkilərinin nəticələrinə birləşmiş müxalifətin vitse-prezidentliyə namizədi İstanbul meri Ekrem İmamoğlu öz münasibətini bildirərkən qeyd edib.
“Heç kim narahat olmamalıdır. Hər şey başdan başlayır. Dəyişməyən tək şey dəyişiklikdir. Eyni addımları atmaqla eyni nəticələri gözləməyəcəyik” – deyə İmamoğlu açıqlayıb.
O, seçkilərin nəticələrinin yaxşılıq gətirəcəyinə ümid etdiyini bildirib.
“Türkiyə indi təcili olaraq ölkənin üzləşdiyi problemləri həll etmək üçün bir yol tapmalıdır. Heç vaxt narahat olmayın və ümidsizliyə qapılmayın. Biz qısa müddət ərzində böyük nailiyyətlər əldə etmiş xalqıq. Beş il əvvəl belə bir ümidsizlik yaşadıq, hərçənd yerli özünüidarə seçkilərində möhtəşəm nəticələr əldə etdik” -deyə İstanbul meri açıqlayıb.
Qeyd edək ki, 28 mayda Türkiyənin Ali Seçki Şurası Rəcəb Tayyib Ərdoğanı prezident seçkilərinin qalibi elan edib. Rəcəb Tayyib Ərdoğan prezident seçkilərinin ikinci turunda 52,14 faiz səs toplayıb.
