İsrailin döyüş təyyarələri Livan və Suriya arasından keçən və Hizbullah tərəfindən İran silahlarının qaçaqmalçılığı üçün istifadə edilən 3,5 kilometr uzunluğunda tunelə düşüb.
QafqazTürk Media xəbər verir ki, bu barədə İsrail Müdafiə Qüvvələri yayıb.
Müdafiə qüvvələri tunelin İrandan və onun müvəkkillərindən Livana silah daşınmasına cavabdeh olan Hizbullah bölmələrindən biri tərəfindən idarə edildiyini bildirir.
Hərbçilərin verdiyi məlumata əsasən, zərbə nəticəsində silahların daşındığı və saxlanıldığı tunel, eləcə də yaxınlıqdakı binalar, silah anbarları və digər infrastruktur dağıdılıb.
Bundan əlavə, İsrail Müdafiə Qüvvələri bildirib ki, dünən İranın paytaxtına hava hücumu nəticəsində “Hizbullah”ın rabitə komandiri Məhəmməd Rəşid Skafi həlak olub. İsrail ordusu qeyd edir ki, o, 2000-ci ildən Hizbullahda olub və qruplaşmanın yüksək səviyyəli liderlərinə yaxın adam olub. “Hizbullah” hələlik İsrail Müdafiə Qüvvələrinin bəyanatını təsdiqləməyib.
