İsrailin müdafiə naziri İsrael Katz bildirib ki, İsrail Qəzzada hərbi əməliyyatları genişləndirir.
“Əməliyyat ərazini terrorçulardan və terrorçu infrastrukturdan təmizləmək üçün genişləndiriləcək və işğal edilmiş böyük ərazilər İsrailin təhlükəsizlik zonasına daxil ediləcək”, – İsrael Katz bildirib.
İsrailin müdafiə naziri Qəzza zolağı xalqını “HƏMAS”ı devirmək və girovları qaytarmaq üçün dərhal hərəkətə keçməyə” çağırır.
Bundan əlavə, İsrail Müdafiə Qüvvələri Qəzza zolağının cənub hissəsində yerləşən Rəfah şəhərinin əhalisinin təxliyyə edilməsi barədə göstəriş verib.
