İsrail Qəzzada girovların azad edilməsi və atəşkəslə bağlı mümkün razılaşmanı müzakirə etmək üçün bu gün Qətərə nümayəndə heyəti göndərəcək.
İsrailin Baş naziri Benyamin Netanyahunun ofisi dünən bildirib ki, “HƏMAS”-ın atəşkəs təklifində irəli sürdüyü dəyişikliklər İsrail üçün qəbuledilməzdir.
Açıqlamada deyilir:
“Dünən gecə bizə “HƏMAS”-ın etmək istədiyi və İsrail üçün qəbuledilməz olan dəyişikliklər təqdim olundu.”
Buna baxmayaraq, Netanyahunun ofisindən verilən məlumata görə, nümayəndə heyəti hələ də İsrailin qəbul etdiyi ilkin təklif əsasında girovların azad edilməsi üzrə mümkün razılaşmanı müzakirə etmək üçün Qətərə səfər edəcək.
