İspaniyanın müdafiə naziri Marqarita Roblesin sözlərinə görə, İspaniya Ukraynaya 6 ədəd “Leopard” tankı göndərməyi planlaşdırır.
Robles bu barədə Ukraynanın müdafiə naziri Oleksi Reznikovla birgə mətbuat konfransında bildirib.
Robles qeyd edib ki, “Leopard” tankları mümkün qədər tez Ukraynaya çatdırılmalıdır. Bundan əlavə, o deyir ki, İspaniya Ukraynaya əlavə 20 ədəd zirehli transportyor da tədarük edəcək.
Yanvarın 25-də Almaniya hökuməti Ukraynaya 14 ədəd “Leopard 2” tankı tədarük edəcəyini təsdiqləyib. Bu barədə kansler Olaf Şolz hökumətin iclasında bildirib.Şolzun sözlərinə görə, Almaniya müttəfiqləri ilə birlikdə Ukraynaya tankları məhz ona görə çatdırır ki, ölkə özünü döyüş meydanında müdafiə edə bilsin.
